Allariz celebra, mañá, o Día das Letras Galegas na honra da escritora María Victoria Moreno . A área de cultura do Concello de Allariz xunto coa Galería Circular, a librería Aira das Letras e a Fundación Vicente Risco, organizan sendas actividades en lembranza da escritora e profesora que, malia nacer en Cáceres, fixo súa a cultura e o idioma galego.
A programación comezará “Contando a María Victoria Moreno” ás 12:00h na Galería Circular. Pola tarde será quenda de “O Cataventos” ás 18:00h na Praza Maior e ás 19:00h no mesmo emprazamento terá lugar un acto poético e musical en lembranza da homenaxeadas.
A Fundación Vicente Risco clausurará a programación co concerto de Zumaque Trío ás 20:30h.
