O Concello de Allariz e o Club Deportivo Allariz presentaron, onte no Fogar dos Maiores, a primeira edición do álbum de cromos dos xogadores do clube de fútbol.
A iniciativa, sen ánimo de lucro, pretende “crear un recordo para todos os xogadores” explicaba Alejandro Piñeiro, presidente do CD Allariz.
No álbum están representados todos os xogadores, dende os prebenxamíns ata o equipo veterano. Poderase completar adquirindo sobres de cromos que xa están á venda, por 1€, en cinco establecementos alaricanos.
Para os dez primeiros que consigan completar o álbum haberá premios simbólicos de dúas fotografías e unha tablet.
