O Centro de Promoción Económica acolleu, o pasado venres, a presentación do obradoiro de emprego “Reserva da Biosfera II” no que participaron os alcaldes dos catro concellos implicados: Francisco García (Allariz), Teresa Barge (A Bola), Manuel Gallego (Taboadela) e Xan Jardón (Vilar de Santos).

O obradoiro desenvolverase durante os próximos nove meses. Os  20 alumnos participantes recibirán formación ademais de realizar traballos dirixidos á recuperación e posta en valor de zonas verdes, labores de limpeza e acondicionamento de rutas de sendeirismo.