Concurso 2025- Cambio climático: Unha oportunidade para o xardín.
A temática desta XV edición do Festival Internacional de Xardíns de Allariz será “Cambio climático: unha oportunidade para o xardín”. Tratase de elaborar propostas que nestes tempos de alteracións climáticas permitan revalorizar o paisaxismo e a xardinería, o desfrute de zonas verdes como elemento imprescindibles para o benestar das persoas.
Presentar proxectos concretos cunha visión positiva que cumpran estes obxectivos e poidan servir de exemplos de boas prácticas, é o que o Festival sempre aspira a trasladar a sociedade. Nos últimos tempos enfrontámonos a novas condicións que as alteracións climáticas están a producir, fronte ao incremento de temperaturas, a redución de pluviosidade e outras consecuencias.
Xardíns que neste novo contexto sexan exemplo de deseño, innovación,beleza e calidade de vida é o que busca mostrar esta nova edición do Festival.
