Green cloud garden

Xardíns do futuro

Pola escaseza de espazo na maioría das contornas urbanas, este proxecto quere explorar as posibilidades futuras de espazos verdes na cidade, sen que estes comprometan o seu desenvolvemento e o seu crecemento. O incremento de espazos verdes pode mellorar a contorna urbana de diferentes maneiras: esteticamente, ambientalmente e estimulando o desenvolvemento socioeconómico. Ao crear xardíns suspendidos, créanse novos niveis vexetais sen interferir cos solos.

Concepto

O xardín de nubes verdes consiste nun xardín de plantas colgantes, contidas en bólas de brión. Estas bólas e as súas plantas varían en tamaño, desde pequenas herbas ata arbustos máis grandes. Ao colgar as plantas, estas son visibles desde novos ángulos e adquiren outra xerarquía: cada planta convértese nun obxecto único. Cada bóla é un xardín en si, permitindo a utilización de mesturas de plantas inusitadas.

EQUIPO: LOOS Van LIET.
Martine Van Liet, Katarina Brandt, Floris Grondman, Baihe Cui, Freek Loos

LOOS van VLIET é unha axencia de deseño paisaxista e de urbanismo fundada en 2009, cunha ampla experiencia. Traballamos en Holanda, China e Corea. Os nosos proxectos abarcan diversas áreas, desde plans de desenvolvemento, proxectos de urbanismo, parques e espazos públicos, xardíns e paletas vexetais ata o deseño de mobiliario urbano para espazos públicos.

Diferentes disciplinas
Enfocar os proxectos desde diferentes disciplinas é esencial, permítenos elaborar os proxectos a partir de diferentes niveis e escalas. A flexibilidade que isto nos confire é unha base excelente para colaborar na realización de proxectos integrais.