Terraformación

Ano 2168

Tras anos de investigación sobre o terreo no planeta Marte, as conclusións foron positivas no referente á habitabilidade da raza humana neste novo mundo.

Neste momento actual, maio de 2168, as zonas de auga desconxeladas subxacentes da superficie marciana son máis abundantes debido á irradiación do núcleo, o cal fai que aumente a temperatura para poder captar a auga en estado líquido.

O obxectivo da misión é instaurar vexetación no planeta para poder conseguir unha atmosfera habitable, con osíxeno e controlando o CO₂.

A persoa encargada de conseguilo é un paisaxista, escollido entre miles de toda a humanidade, coa tecnoloxía e cun criterio que optimiza a xestión da auga, tendo en conta os condicionantes climáticos e os substratos.

Unha das cúpulas está destinada ao cultivo de alimentos vexetais e a seguinte ten a función de canalizar a valiosa auga, procesándoa para poder hidratar e nutrir os novos habitantes do planeta, as plantas.

Calcúlase que para o 2334 o planeta será habitable.

José Souto

PROCEDENCIA: Galiza