El laberinto rosa
Edición 2018 – Parcela 1
O erotismo forma parte da nosa cultura, é a manifestación intelectual e física dos nosos instintos. Os xardíns foron por algún tempo os únicos espazos propicios para confesar e demostrar os desexos prohibidos. No silencio do bosque, no equilibrio remoto do natural, atopamos o lugar perfecto para expresar o que por moito tempo foi condenado como pagán, impropio e inmoral.
O Labirinto Rosa nace dos desexos ocultos das persoas e da nosa confianza para expresalos nun ambiente íntimo e natural. Proponse evocar e emular esa sensación de privado e escondido, para así entrar no calor da intimidade.
A través de espazos, cores, materiais e vexetación, estimúlase ao visitante a escribir os seus desexos e a recorrer o xardín a través dun sendeiro sutil e continuo de auga, que representa o seu subconsciente.
Trátase de espazos persoais, íntimos, onde se sinte a confianza e a la seguridade para expresarse. Áreas parcialmente privadas, onde se pode prolongar a estancia e interactuar cos outros, nun ambiente de igualdade.
Ao termo do percorrido, o visitante poderá realizalo de volta, descubríndoo á inversa e experimentándoo con novas sensacións.
Alejandra Pérez Bahamonde, Úrsula García Lucero
PROCEDENCIA: Perú
Púa Studio é un equipo multidisciplinario que existe a partir do desexo de integrar arte, ciencia e tecnoloxía. É un proxecto que nace en Perú, fundado por Alejandra Pérez e Ursula Garcia, ambas arquitectas con múltiples intereses, como a botánica, os ecosistemas e o deseño dos espazos naturais.
Entendemos a paisaxe e o seu valor para o ser humano. Estudiamos as súas variables estéticas, físicas, sociais, históricas e culturais, como parte dun desenvolvemento constante para comprender mellor os diversos procesos naturais e artificiais presentes no medio e nas súas diferentes escalas: desde o xardín urbano ata os grandes ecosistemas naturais protexidos.
Púa é unha oficina de Paisaxe e Urbanismo, na que, a través do deseño, a investigación científica e a práctica, proxectamos espazos máis humanos, acordes ás novas e necesarias demandas: sustentabilidade e innovación.
Púa busca formar usuarios conscientes do valor da paisaxe e comprometidos coa súa preservación.
Facebook: Púa Studio @puastudio
Instagram: pua_studio