Entrenzado de palabras

Edición 2021 – Parcela 8

XARDÍN DOS CENTROS EDUCATIVOS- EN CONSTRUCIÓN

uno+uno: Isotta Cortesi e Gisela Bartoloni

Patrocinador

EQUIPO:
CEIP Padre Feijóo de Allariz e IES de Allariz

PROCEDENCIA:
Allariz


O deseño deste xardín foi realizado a partir dos deseños do alumnado do IES de Allariz André Estévez, Noa Fraga, Gabriela Domínguez, Ainara Nogueiras, Marta Pérez e Hugo Castro. O alumnado do CEIP Padre Feijoo interpretou catro poemas en cadanseu minimundo, cos que poderás xogar buscando as palabras que faltan seguindo as pistas que che dan.

O alumnado e o profesorado do CEIP Padre Feijoo e do IES de Allariz fixeron este xardín-poema con agarimo para Allariz, e para ti, que vés gozar del. Inspirámonos no baile tradicional do Entrenzado que se danza na vila para mesturar as artes do baile e da poesía nun rebumbio de cores e facer tamén unha sentida homenaxe á Xela Arias, poeta á que se adica o Día da Letras Galegas deste ano.

Un xardín é un poema.

Vinde ler con nós.

Probade as palabras

coma quen proba o pan,

coma quen bebe a auga fresca da fonte.

Gozade da cor.

Sentide o fresco

á luz da poesía,

o deslumbramento á sombra.

E xogade coma se

non houbese máis xoguetes que as flores

e fósemos outra vez,

para sempre nenos.