LOCALIZACIÓNS DE NADAL

PROGRAMACIÓN DE NADAL 2025

BASES DO CONCURSO DE ESCAPARATES

PETO DOS DESEXOS

BASES DO SORTEO

“O PETO DOS DESEXOS”

1. Organización – Contacto
O Concello de Allariz, con CIF P3200200H, a través da concellería de Promoción Económica, Turismo e Comercio organiza, dentro da programación do Nadal 2024, o sorteo Peto Dos Desexos.

Contacto: Centro de Promoción Económica, rúa O Portelo 4, 2º. Teléfono 988 442 210.
Email: comercio@allariz.gal
1. Obxecto
Coa fin de promover o comercio local ademais de premiar as persoas que merquen en Allariz durante a campaña de Nadal 2025.
1. Ámbito territorial
O ámbito territorial deste sorteo será todo o comercio e a hostalería do termo municipal de Allariz a excepción cadeas de supermercados e gasolinera.
1. Condicións para participar
Poderán participar no sorteo do Peto dos Desexos toda persoa MAIOR DE IDADE que realice unha compra ou varias por valor mínimo de 30€ nun establecemento comercial ou hostaleiro de Allariz (durante os días do 5 de decembro de 2025 ata o 6 de xaneiro de 2026 , ambos incluídos).

Os tíquets de compra deberán ser grampados á tarxeta específica do sorteo e depositada nun dos Petos dos desexos, localizados no alto do Portelo e ao carón da Oficina de Turismo, na Alameda.

As tarxetas estarán dispoñibles nos comercios e aloxamentos de Allariz e deberán ser cumprimentadas cos seguintes datos (nome e apelidos, DNI, teléfono e procedencia da persoa participante) .
- Restricións de participación.
Non poderán participar nin comerciantes nin hostaleiros/as de Allariz participantes na campaña con tíquets do seu propio local. No caso de ser así o premio non será entregado e pasará a un reserva.
1. Premios
- 1000€ repartidos en dous premios de 250€ e cinco premios de 100€.
  - Todos os premios deberán gastarse no Comercio e na Hostalería Local, agás nas cadeas de supermercados e gasolineras.
  - Os premios do Peto dos Desexos serán nominativos e soamente se pode optar a un premio por persoa. No caso de saír a mesma persoa para dous premios pasarase a persoa de reserva.
1. Sorteo
O sorteo do Peto dos Desexos realizarase o día 9 de xaneiro de 2026, ás 11:30 horas diante do Peto dos Desexos localizado no Alto do Portelo, nunha das decoracións de Nadal.