O Concello de Allariz pon en marcha unha nova edición das súas Escolas Culturais, ofrecendo un ano máis unha variada e enriquecedora proposta de actividades artísticas e musicais deseñadas para encher de creatividade o tempo de lecer da infancia e da mocidade do municipio.
O período para anotarse permanecerá aberto do 9 ao 24 de setembro. As solicitudes deberán formalizarse de xeito presencial na Casa da Cultura, tendo en conta que o número de prazas é limitado.
Para este novo ciclo, a programación estrutúrase nas seguintes disciplinas e modalidades:
Música e Movemento: Achegamento lúdico ás artes para a rapazada de 5º e 6º de educación infantil. As sesións impartiranse na aula de psicomotricidade os martes ou mércores de 15:20h a 16:20h, dende o 6 ou 7 de outubro.
Prelinguaxe e Iniciación ao Piano: Proposta dirixida a rapaces e rapazas de 6 anos (1º de primaria). Celebrarase na Casa da Cultura os luns de 15:30h a 16:30h ou os mércores de 17:30h a 18:30h, cun arranque previsto para o 5 ou 7 de outubro.
Iniciación Musical: Espazo formativo para a infancia de 6 e 7 anos (1º e 2º de primaria). Terá lugar na Aula de Música do CEIP os luns de 15:30h a 16:30h, a partir do 5 de outubro.
Linguaxe Musical: Destinado ao alumnado a partir dos 7 anos (2º de primaria) para afianzar os coñecementos teóricos. Desenvolverase na Casa da Cultura de luns a mércores, co inicio das clases a partir do 5 de outubro segundo o horario asignado.
Instrumentos – Piano: Formación individualizada e adaptada para menores a partir dos 7 anos (2º de primaria). As clases impartiranse de luns a venres a partir das 15:30h, dende o 1 de outubro.
Instrumentos – Guitarra: Aberto a partir dos 7 anos (2º de primaria). Terá como escenario a Casa da Cultura os xoves de 16:10h a 20:10h, comezando o 8 de outubro.
Música Tradicional (Gaita e Percusión): Para manter vivas as nosas raíces, dirixido a persoas a partir dos 7 anos (2º de primaria). As clases desenvolveranse os venres a partir das 17:00h, con inicio o 2 de outubro.
Pandeireta: Achegamento á nosa tradición para o alumnado a partir dos 7 anos (2º de primaria), estruturado en grupos de iniciación (16:00h a 17:00h), 1º nivel (17:00h a 18:00h), 2º nivel (18:00h a 19:00h) e 3º nivel (19:00h a 20:00h). Celebrarase os martes na Antiga Casa da Radio, cun inicio o 6 de outubro.
Pintura: Aula aberta á imaxinación para nenos e nenas de 6 anos (de 1º a 6º de primaria). Desenvolverase nas antigas vivendas dos mestres os luns ou mércores de 15:30h a 17:00h, cun inicio os días 5 ou 7 de outubro.
Para ampliar calquera detalle, consultar dúbidas ou formalizar os trámites, as persoas interesadas poden achegarse á Casa da Cultura, chamar aos teléfonos 988 440 859 / 607 592 016 ou ben enviar un correo electrónico a cultura@allariz.gal.
