• O evento celebrarase o sábado 6 de setembro no casco histórico en horario ininterrompido de 11:00h a 20:00h.
• As solicitudes pódense presentar por vía electrónica ou presencial dende o 1 de xullo ata o 31 de xullo ás 14:00 horas.
A área de Promoción Económica do Concello de Allariz abre hoxe, mércores 1 de xullo, o prazo de recepción de solicitudes para participar nunha nova edición do Mercado de Artesanía “Arte de Man”. A cita, que encherá a Zona de Santo Estevo de Allariz o domingo 6 de setembro, busca promover e achegar ao público a venda directa e o traballo minucioso de obradoiros artesáns de elaboración propia.
O mercado funcionará en horario ininterrompido de 11:00h a 20:00h. As bases —que xa se poden consultar de xeito oficial no taboleiro de anuncios da Sede Electrónica (https://allariz.sedelectronica.gal/board )— establecen como requisito principal que cada artesán ou artesá participante realice demostracións en vivo do seu traballo ao longo de toda a xornada, convertendo a feira nun espazo dinámico e interactivo.
Criterios de selección e posta a disposición de postos
A selección dos expositores correrá a cargo da área de Promoción Económica. Para a adxudicación das prazas priorizarase a calidade do produto, a singularidade, a diversidade de oficios, as tendencias e o deseño, valorando tamén de xeito positivo que as persoas solicitantes dispoñan da correspondente carta de artesán/á. A organización comunicará a resolución a cada solicitante por correo electrónico nun prazo máximo de 10 días hábiles dende o peche do prazo.
Cun fin de apoiar ao sector, o Concello de Allariz porá de xeito gratuíto a disposición de cada participante un posto de madeira de 2,40 metros de longo cun tellado e recuberto cunha tela branca no seu frontal. Os artesáns seleccionados comprométense a asistir o posto en todo momento e a decorar o espazo respectando as indicacións estéticas da organización.
Inscricións ata o 31 de xullo
O prazo de inscrición permanecerá aberto dende o 1 de xullo ata o 31 de xullo do presente ano, debendo formalizarse antes das 14:00 horas dese último día. As persoas interesadas deben tramitar a súa solicitude enchendo unha instancia xeral na Sede Electrónica do Concello (https://allariz.sedelectronica.gal/info.0) ou ben de xeito presencial nas dependencias do rexistro municipal.
ara máis información ou consultas, as persoas interesadas poden dirixirse á sede de Promoción Económica (rúa O Portelo, 4 – 2º andar) ou chamar ao teléfono 988 442 210.