En Nadal, merca no comercio local. Este é o lema da campaña que o Concello de Allariz xunto co comercio e hostalería desenvolverán, un ano máis, para incentivar as compras locais durante a época navideña.
A iniciativa “O Peto dos Desexos” sorteará catro premios de 250 euros entre os clientes do comercio e hostalería da localidade que deberán xuntar tíquets de compra ata alcanzar un valor de 30 euros e depositalos xunto coa tarxeta dos desexos nun dos Petos que estarán situados no Alto do Portelo ou na entrada da Alameda.
O sorteo público terá lugar o luns 10 de xaneiro ás 11:30h diante do Peto dos Desexos (no Alto do Portelo). Máis información e bases do Peto dos Desexos en www.allariz.gal/nadal
Ademais este ano, tamén a partir do 17 de decembro a concellería de Comercio porá en circulación 6000 rascas nos que se agochan un total de 1500€. Con unha compra de 30 € ou máis poderás conseguir vales desconto de 25€ directos.
Asemade, todas aquelas persoas que realicen as súas compras no Mercado da Reserva da Biosfera dende o sábado 11 de decembro ata o sábado 8 de xaneiro, poderán participar no sorteo dun lote de produtos do Mercado da Reserva e 250 € para mercar no comercio local.
Estas campañas sumanse a campaña de decoración de nadal de Allariz que pretende dinamizar comercio e hostalería local.
