A Fundación Humana recupera, en Allariz, 8.328kg de téxtil usado durante o primeiro semestre de 2019, o que representa un 8% máis que no mesmo período do ano pasado. O rexistro equivale a 17.200 prendas que serán reutilizadas ou recicladas e alongarán o seu ciclo de vida útil.

Estas doazóns proceden dos contedores verdes nos que se deposita roupa, calzado, complementos e téxtil do fogar en bo estado e que xa non se utilizan. O servizo, promovido por Humana busca a protección do medio e leva programas de cooperación ao desenvolvemento en África, América Latina e Asia, é gratuíto e representa un aforro importante nos gastos de recollida e tratamento de residuos urbanos así como a protección do medio ambiente, contribuíndo á loita contra o cambio climático.

As máis de oito toneladas recollidas en Allariz dende xaneiro ata xuño representan un aforro de 26 toneladas de CO2 á atmosfera.