As Escolas Culturais prepáranse para o curso 2021/2022.

As distintas áreas do Concello de Allariz están ultimando os preparativos para poñer en marcha as escolas municipais.

A Concellería de Cultura abre o prazo para matricularse nas seguintes disciplinas: clases de pintura, música en movemento e linguaxe musical ademais da aprendizaxe en instrumentos como piano ou guitarra, e os máis tradicionais como gaita, pandeireta e canto.

Comezarán no mes de outubro e para participar nelas é preciso inscribirse a través da Casa da Cultura de Allariz, no teléfono 988 440 859 ou no correo cultura@allariz.gal. A data límite para se anotar será o 30 de setembro.