A novena campaña arqueolóxica en Armea, na parroquia de Santa Mariña de Augas Santas (Allariz), remata este venres deixando novos achadegos no coñecemento histórico da antiga “Cibdá de Armea”. Así o subliñaba Adolfo Fernández, do Grupo de Estudos en Arqueoloxía, Antigüidade e Territorio (Geaat) e Vicedecano da facultade de Historia da Universidade de Vigo que perante este mes agosto desenvolveu a escavación froito do convenio de colaboración subscrito entre Universidade de Vigo e Concello e no que por primeira vez participa a Xunta de Galicia a través da dirección xeral de Patrimonio cun aporte de 30.000 €.
A intervención deste ano na denominada Finca da Atalaia,de propiedade municipal ,centrouse nos traballos de escavación da domus leste, asomando importantes mostras de estruturas e estancias,nas que se atoparon restos tanto pétreos coma de materiais cerámicos,tellas e vidro ademais de pequenas alfaias na súa maioría elaboradas en bronce.
A cibdá de Armea que segundo os arqueólogos estivo habitada entre os séculos I y II da nosa era, ten de momento escavadas 3 domus e una vía central ,dentro desas domus o visitante pode atopar estancias con lareiras, muíños ,zonas dedicadas a produción de utensilios de metal e vidro.
Colaboración entre administracións
A alcaldesa de Allariz, Cristina Cid e a Decana da Facultade de Historia, Susana Reboreda, visitaron hoxe as escavacións para por de manifesto a importancia da colaboración entre administracións no desenvolvemento deste tipo de proxectos. “Intereses académicos e locais pódense acercar grazas a este tipo de convenios” destacaba Reboreda, impresionada pola beleza do xacemento neste momento e polo traballo levado a cabo este verán polos alumnos da súa facultade e outros universitarios que acoden a convocatoria dende toda España.
Adolfo Fernández destacaba que Armea se esta a converter no xerme para formar un gran número de arqueólogos que poden medrar profesionalmente neste xacemento e buscar una saída profesional nun ámbito coma o da arqueoloxía onde as veces non e doado atopar estas oportunidades.
Este ano a novidade principal e a colaboración da Xunta, a través da dirección Xeral de Patrimonio.Unha achega que se viña pedindo dende hai anos e que este ano aportará 30.000 €.
Mais ala dos datos económicos, a rexedora alaricana puxo a til na “gran potencialidade e singularidade do xacemento que é xa un gran recurso patrimonial e turístico para Allariz e da necesidade de que nun futuro e grazas a colaboración entre administracións a campaña puidera ser de algún mes máis o ano e non de 1 coma é na actualidade.