Na maña de hoxe foron presentadas no salón de plenos do Concello de Allariz, as actividades que se van a realizar durante o mes de agosto. Helena Suárez, concelleira de deportes, Sara Pato, xerente de Ociosaugal e Maria Luísa Santos, directiva do CD Allariz, explicaron nunha rolda de prensa a programación que se levará acabo entre os días 3 e 14 de agosto.
A programación de este mes de agosto contará con dous campus. O primeiro será o Campus Allariz, un campus de fútbol co método Coerver. As datas nas que se realizará este serán do 3 ao 7 de agosto. Os nenos e nenas poderán gozar deste campus de fútbol dunha forma lúdica e segura.
A segunda actividade programada, Campus Multideporte, será do 10 ao 14 de agosto. Os nenos e nenas que se inscriban nesta poderán gozar dunha semana chea de diferentes actividades ao aire libre, nos diferentes espazos verdes que existen en Allariz, con variedade de xogos e dinámicas.
O horario do Campus Allariz Coerver será das 09:00h ás 13:00h eo Campus multideporte o horario será de 10:00 ás 13:00h. O punto de encontro será Cidade Deportiva do Seixo para os dous campus. As prazas son limitadas e contarán cun protocolo de medidas establecidas para o mesmo aportando seguridades aos nenos e as nenas e as familias.
Helena Suárez, concelleira de Deportes, sinalaba a importancia destas actividades para as familias para poder conciliar. Por outra banda, as familias interesadas nesta actividade que teñan dificultades para asumila poderase valorar a través de Benestar Social do Concello de Allariz, unha axuda para a actividade.
Sara Pato, xerente de Ociosaugal , quixo agradecer ao Concello de Allariz e ao CD Allariz a colaboración para desenvolver estes dous campus. Así mesmo agradeceu a colaboración de todos os patrocinadores, moitos deles comercios de Allariz, xa que grazas a eles estarán dotalos cos materiais necesarios para establecer os protocolos de seguridade durante a realización das actividades.
Maria Luísa Santos, directiva do CD Allariz, indicou que dende o club vaise a sortear entre os inscritos a actividade que pertenzan as escolas deportivas do club, unha matrícula gratuíta para o Campus.
Para máis información sobre as actividades consultar na web https://ociosaugal.es/ , no 600 826 238 ou no facebook de Ociosaugal
Os enlaces para as inscricións ao campus:
Campus Ociosaugal Coever Allariz: https://bit.ly/campusallariz
Campus Multideporte Allariz: https://bit.ly/multideporteallariz