A programación de primavera da Casa da Mocidade do Concello de Allariz xa arrancou a semana pasada, e finalizará o 24 de xuño.

Como é habitual a Casa da Mocidade de Allariz, oferta actividades para a mocidade entre 13 e 33 anos, aínda que as actividades están abertas ao público de todas as idades ata completar capacidade, sempre teñen preferencia.

Durante os meses de abril, maio e xuño poderase participar en actividades saídas a natureza, obradoiros de billar, campionatos de xogos de mesa e distintas actividades de diversas inquietudes. Así mesmo con motivo das Letras Galegas, durante o mes de maio haberá diferentes propostas como campionatos de logaliza, saídas, cinema e música.

Iago Santás concelleiro de Mocidade confía en que as actividades sexan do interese dos mozos e mozas e que se animen a participar nesta programación de primavera que tenta abarcar opcións para todos os gustos.

Para máis información www.allariz.gal/mocidade/ e inscrición nas actividades facilitase o correo mocidade@allariz.gal, ou na mesma Casa da Mocidade.